काठमाडौँ । राष्ट्रिय प्रजातन्त्र पार्टी (राप्रपा)का नवनिर्वाचित अध्यक्ष राजेन्द्र लिङ्देनले पदभार ग्रहण गरेका छन् । उनले सोमबार केन्द्रीय पार्टी कार्यालय चाबहिलमा पदभार ग्रहण गरेका हुन् ।

कार्यालयमा पूजाआजासहित उनले महामन्त्री हुँदा बस्ने कोठामा पदभार ग्रहण गरेका छन् । लिङ्देनले कमल थापाले प्रयोग गर्दै आएको कोठा प्रयोग गरेका छैनन् ।

पदभार ग्रहणमा लिङ्देनले थापालाई कार्यालय आउन सहज होस् भनेर उनको कोठा प्रयोग नगरेको बताए । लिङ्देन राप्रपाको एकता महाधिवेशनबाट थापालाई पराजित गर्दै अध्यक्षमा निर्वाचित भएका हुन् ।