काठमाडौं । नेपालमा बुधबार थप २८० जनामा कोरोना भाइरसको संक्रमण पुष्टि भएको छ।
पछिल्लो २४ घण्टामा देशभरका १२ हजार १ सय ७४ जनाको परीक्षण गर्दा २८० जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
देशभर ९ हजार १६८ जनाको पीसीआर परीक्षण र ३ हजार ६ जनाको एन्टिजेन विधिबाट परीक्षण गरिएको थियो । नेपालमा हाल ६ हजार २३९ जना सक्रिय संक्रमित छन् ।
यस्तै, पछिल्लो २४ घण्टामा ३६६ जना कोरोनामुक्त भएको मन्त्रालयले जनाएको छ ।
यस्तै, कोरोना संक्रमण पुष्टी भएका थप दुई जनाको पछिल्लो २४ घण्टाको अवधिमा मृत्यु भएको छ।
यसैबीच, काठमाडौं उपत्यकामा भने बुधबार १४६ संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा १००, ललितपुरमा ३१ र भक्तपुरमा १५ संक्रमित थपिएका छन् ।