काठमाडौँ । नेपाली कांग्रेसको अन्तिम केन्द्रीय कमिटी बैठकले महाधिवेशन सम्बन्धि ३ प्रतिवेदन पारित गरेको छ । १४ औं महाधिवेशनको पूर्वसन्ध्यामा केन्द्रीय पार्टी कार्यालय सानेपामा बिहीबार बसेको केन्द्रीय कमिटी बैठकले तीन वटा प्रतिवेदन पारित गरेको हो ।

बैठकले राजनीति, आर्थिक र सांगठनिक प्रतिवेदन पारित गरेको हो । पार्टी प्रवक्ता विश्वप्रकाश शर्माका अनुसार महामन्त्रीद्वयको तर्फबाट महामन्त्री पूर्णबहादुर खड्काले सांगठानिक, कोषाध्यक्ष सितादेवि यादवका तर्फबाट आर्थिक र विधान संसोधन सम्बन्धिको प्रस्ताव पारित गरेको हो ।

कांग्रेसको कोषमा हालसम्म १० करोड रकम संचित रहेको प्रवक्ता शर्माले बताए । आज बसेको बैठकमा पदाधिकारी थप गर्ने विषयमा प्रस्ताव लैजाने तयारी गरिएको भएपनि पेस नभएको प्रवक्ता शर्माले जानकारी दिए ।

कांग्रेसको १४ औं महाधिवेशन शुक्रबारबाट काठमाडौँमा शुरु हुँदैछ । त्यसको तयारका विषयमा छलफल गर्न बसेको अन्तिम केन्द्रीय कमिटी बैठकले त३ प्रतिवेदन पारित गरेको हो । बैठकमा पार्टीका वरिष्ठ नेता रामभन्द्र पौडेल उपस्थित भएका थिएन । पार्टी प्रवक्ता शर्माका अनुसार शुक्रबार १ बजे महाधिवेशननको उद्घाटन हुनेछ ।

उनले नीति अधिवेशनपछि मात्र हुने बताए । वरिष्ठ नेता पौडेलले बैठकमा नआउने पूर्व जानकारी गराएको उनले बताए । उनले भने ‘विभिन्न मत विमत हुँदै गर्दा केन्द्रीय नेतृत्वको पनि केही कुरामा मन अमिलो भएको छ ।’ उनका अनुसार २ घण्टामा उद्घाटन कार्यक्रम सकिने छ ।

कांग्रेसको उद्घाटन सत्रमा विदेशी पाहुनाले पनि सम्बोधन गर्ने छन् । उनका अनुसार बिदेशी पाहुना भारतबाट भाजपा र कांग्रेस आईका चार जना काठमाडौँ आइपुगिसकेका छन् । कांग्रेसको महाधिवेशनमा मतदान ३ ठाउँमा हुनेछ । भृकुटीमण्डप, महेन्द्र पुलिस क्लब र राष्ट्रिय सभागृहमा मतदान हुनेछ । मतदान ब्यालेट पेपरमा गरिने कांग्रेसले जनाएको छ ।