काठमाडौं । अमेरिकी सहयोग परियोजना एमसीसीविरुद्ध विभिन्न २६ दलले शुक्रबार काठमाडौंमा प्रदर्शन गरेको छ ।

मोहन वैद्य नेतृत्वको नेकपा (क्रान्तिकारी माओवादी), विप्लवको नेकपा लगायत साना २६ दलहरुले काठमाडौंको नयाँ बानेश्वरमा प्रदर्शन गरेको हो ।

उनीहरुले माइतीघर मण्डलाबाट र्याली निकालेर नयाँ बानेश्वरमा विरोधसभा गरेका थिए ।

यहि मंसिर २८ गते संसदको दशौं अधिवेशन बोलाइएपछि सो बैठकमा एमसीसीको प्रस्ताव पेश गर्ने तयारी गरेको भन्दै एमसीसी विरोधी दलहरुले प्रदर्शन गर्दै आएका छन् ।

यो २६ दलीय मोर्चाले मंसिर २८ गते संसद भवन घेराउ लगायतका कार्यक्रम घोषणा गरेका छन् ।