काठमाडौं । नेपाली काग्रेसको सभापतिमा शेरवहादुर देउवालाई प्रकाशमान सिंहले सघाउने भएका छन् । देउवा र प्रकाशमान सिंह्का वीचमा नयाँ समिकरण बनेको छ । सिंह्को निवास चाक्सीवारीमै भेटन पुगेका देउवालाई सहयोग गर्ने निश्कर्षमा प्रकाशमान सिंह समुह पुगेको हो ।

यो समिकरण बनेको पुष्टि प्रकाशमान सिंहका सहयोगी युपी लामिछानेले सामाजिक सन्जालमार्फत पुष्टि गरेका छन् ।

देउवाले पहिलो चरणको चुनावमा ८२ मत थप पाएका भए उनी विजयी भईसक्थे । तर अव प्रकाशमान सिंहले पनि देउवाको पक्षमा उभिने निर्णय लिएपछि देउवा थप वलियो बनेका छन् ।

प्रकाशमान सिंहले ३७१ मत पाएका थिए । अव यो महाधिवेशन प्रतिनिधीहरुले केही मत तलमाथी भएपनि देउवाले पाउने देखिएको छ ।

चुनाव दोस्रो चरणमा जाने देखिने वित्तिकै प्रधानमन्त्री देउवाले आफु निकट नेता गृहमन्त्री वालकृष्ण खाँण र वीरवहादुर वलायरलाई सिंहको निवास पठाएका थिए । त्यसपछि देउवा पौडेलले आयोजना गरेको चियापानमा पुगे लगत्तै सिंह निवास चाक्सीवारीमा पुगेका थिए । चाक्सीवारीमा आफ्नै प्यानलका सुजाता कोइराला लगायतका नेताहरुलाई साथै लिएर सिंहले देउवालाई सहयोग गर्ने गरी वचन दिएका थिए ।

यसले शेखर कोइरालालाई भने कमजोर बनाईदिएको छ । सिंहले देउवालाई सहयोग गर्दा विमलेन्द्र निधिले शेखर लाई साथ दिदा पनि शेखर कमजोर देखिने भएका छन् ।