काठमाडौँ । नेकपा एमालेले मनोनित गरेको केन्द्रीय कमिटीका ४४ जना सदस्यहरूलाई बुधबार सपथ ग्रहण गराउने भएको छ । तुल्सीलाल अमात्य प्रतिष्ठान भवन च्यासलमा आज बिहान ११ बने पार्टी अध्यक्ष केपी शर्मा ओलीले उनीहरुलाई सपथ ग्रहण गराउने भएको हो ।

गत २५ र २६ गते बसेको पार्टीको केन्द्रीय कमिटीको दोस्रो पूर्ण बैठकले ४४ जनालाई केन्द्रीय कमिटीमा मनोनित गरेको थियो । गत ११ देखि १३ गतेसम्म चितवनमा एमालेको १० औँ राष्ट्रिय महाधिवेशन सम्पन्न भएको थियो ।