काठमाडौं । नेपाली कांग्रेसको १४ औं महाधिवेशन अन्तर्गतको महामन्त्री पदका लागि भएको मतदानको मतगणना शुरु भएको छ । सभापति र उपसभापतिको मतगणना सकेर निर्वाचन समितिले महामन्त्री पदका लागि भएको मतदानको मतगणना शुरु गरेको हो । कांग्रेस केन्द्रीय कार्यालय सानेपामा केही वेर अगाडी वाट मात्रै महामन्त्रीको मतगणना शुरु भएको निर्वाचन समितिले जनाएको छ ।

कांग्रेसमा दुई महामन्त्री पदका लागि ६ जना चुनावी प्रतिस्पर्धामा छन् । सभापतिमा शेरवहादुर देउवाले शेखर कोइरालालाई पराजित गदै चुनाव जितिसकेका छन् । उपसभापतिमा पूर्णवहादुर खडका र धनराज गुरुङले जित निकालेका छन् । अव महामन्त्रीको मतगणना शुरु भएको हो । महामन्त्रीमा गगन थापा, विश्वप्रकाश शर्मा, प्रदीप पौडेल, मिनेन्द्र रिजाल, प्रकाशशरण महत र राजाराम कार्की चुनावी प्रतिस्पर्धामा छन् ।

महामन्त्रीको चुनावी मतपरिणामपछि सहमहमन्त्रकिो मतगणना गर्ने तयारी निर्वाचन समितिले गरेको छ । त्यसपछि मात्र केन्द्रीय सदस्यको मतगणना हुनेछ । कांग्रेसको पूरै कार्यसमितिको मतगणनाको नतिजा आउन कम्तीमा १० दिन लाग्ने वताईएको छ ।