काठमाडौँ । नेपाली कांग्रेसको महामन्त्री पदमा गगनकुमार थापा र विश्वप्रकाश शर्मा विजयी भएका छन् । कांग्रेसको १४ औं महाधिवेशनबाट थापा र शर्मा महामन्त्रीमा विजयी भएका हुन् । पार्टी केन्द्रीय कार्यालय सानेपामा मतगणना भएको थियो । केन्द्रीय निर्वाचन समितिका अनुसार महामन्त्रीमा खसेको कुल ४ हजार ६ सय ८२ मतमा सबैभन्दा बढी थापाले ३ हजार २३ र शर्माले एक हजार ९ सय ८४ मत प्राप्त गरेर विजयी भएका हुन् ।

यस्तै महामन्त्रीका अन्य उम्मेदवारमा क्रमशः डा प्रकाशशरण महतले एक हजार ५ सय ५६ प्रदीप पौडेलले एक ३९३, डा मीनेन्द्र रिजालले ८०९, डा राजाराम कार्कीले १०६ मत प्राप्त गरेका छन् । महामन्त्री उम्मेदवारको मतगणना बिहीबार बिहान १०ः२० बजेदेखि सुरु भएको थियो । कांग्रेस विधानअनुसार केन्द्रीय कार्यसमितिका दुई महामन्त्रीका लागि सोमबार निर्वाचन भएको थियो ।