काठमाडौँ । प्रधानमन्त्री शेर बहादुर देउवाले बोलाइएको सर्वदलीय बैठक विना निष्कर्ष सकिएको छ । प्रधानमनत्रीको सरकारी निवास बालुवाटारमा बसेको सर्वदलीय बैठक विना निष्कर्ष सकिएको हो ।

अमेरिकी सहयोग परियोजना मिलेनियम च्यालेन्ज कम्प्याक्ट (एमसीसी) पारित गर्ने र संसदमा दिखिएको अवरोध हटाउने विषयमा छलफल गर्न बसेको सर्वदलीय बैठक विना निष्कर्ष सकिएको छ ।

बैठकमा सबै राजनीतिक दलहरुले आआफ्नो धारणा राखेका थिए । एमसीसीका विषयमा पुनः छलफल गरेर निष्कर्षमा पुग्ने सहमति गर्दै बैठक सकिएको सरकारका प्रवक्ता मन्त्री ज्ञानेन्द्रबहादुर कार्कीले बताए ।

बैठकमा नेपाल मजदुर किसान पार्टी, राष्टिय जनमोर्चा र राष्ट्रिय प्रजातन्त्र पार्टीले एमसीसी सम्झौता पारित गर्न नहुने धारणा राखेका थिए । यस्तै बैठकमा नेकपा माओवादी केन्द्र र नेकपा एकीकृत समाजवादीले एमसीसी सम्झौता संशोधन गरेर अगाडि बढाउनु पर्ने धारणा राखेको नेमकिपाका नेता प्रेम सुवालले जानकारी गराए । उनका अनुसार बैठकमा जनता समाजवादी पार्टी र नेपाली कांग्रसले एमसीसी सम्झौता संसदबाट पास गर्नु पर्ने धारणा राखेका थिए ।