काठमाडौं । गण्डकी प्रदेशका मुख्यमन्त्री कृष्णचन्द्र नेपाली पोखरेल नेपाली कांग्रेसको केन्द्रीय सदस्यमा निर्वाचित भएका छन् ।

पार्टीको १४औँ महाधिवेशनअन्तर्गत उनी गण्डकी प्रदेशबाट केन्द्रीय सदस्य निर्वाचित भएका हुन् । मंगलबार राति सार्वजनिक मतपरिणामअनुसार मुख्यमन्त्री पोखरेलले २ हजार ३ सय ६ मत प्राप्त गरी विजयी भएका हुन् ।

गण्डकी प्रदेशको खुलातर्फको दुई पदमा मुख्यमन्त्री पोखरेलसँगै तनहुँका ध्रुव वाग्लेले २ हजार ७ सय २० मत प्राप्त गरी निर्वाचित भएका छन् ।
महिलातर्फको केन्द्रीय सदस्य पदमा सरस्वती अर्याल तिवारी निर्वाचित भएकी छन् ।

निर्वाचन समितिकाअनुसार, पराजित शोभियतबहादुर अधिकारीले २ हजार ३४ र रेशमबहादुर बानियाँले १ हजार ९ सय ३८ मत प्राप्त गरेका छन् ।

कांग्रेसको १४ औं महाधिवेशनअन्तरगत यहि मङ्सिर २७ गते काठमाडौंमा मतदान भएको थियो ।