काठमाडौँ । नेपाली कांग्रेसको खुलातर्फ आदिवासी जनजातिको मतगणना जारी छ । केन्द्रीय पार्टी कार्यालय सानेपामा खुलातर्फ आदिवासी जनजातिको मतगणना जारी रहेको हो ।

हालसम्म १ हजार ७ सय मत गणना भएको कांग्रेस निर्वाचन समितिले जनाएको छ । जारी मतगणनामा चिनकाजी श्रेष्ठले ८ सय ४१ मत प्राप्त गरेर अग्रता लिएका छन् । यस्तै दोस्रो स्थानमा रहेका राज्यमन्त्री उमेश श्रेष्ठले ७ सय ८३ मत प्राप्त गरेका छन् ।

तेस्रो स्थानमा रहेका बहादुरसिंह लामा ७ सय ६५ मत प्राप्त गरेका छन् भने चौथो स्थानमा रहेका टेकबहादुर गुरुङ ७ सय २५ मत ल्याएका छन् । पाँचौ स्थानमा दिलमान पाख्रिन, छैटौ स्थानमा आङगेलु शेर्पा रहेका छन् । यस्तै तारामान गुरुङ सातौ स्थानमा छन् भने । आठौं स्थानमा टेकप्रसाद गुरुङ र नवौ स्थानमा जीतनारायण श्रेष्ठ रहेका छन् ।