काठमाडौं । नेपाली कांग्रेसको १४ औं महाधिवेशनबाट निर्वाचित केन्द्रीय कार्यसमितिका पदाधिकारी एवं सदस्यलाई शनिबार निर्वाचित भएको प्रमाण पत्र वितरण गरिने भएको छ ।

महाधिवेशनमा पार्टी सभापतिदेखि सबै सदस्यको निर्वाचन परिणाम सार्वजनिक भएपछि शुक्रबार प्रमाणपत्र वितरण गर्न लागिएको हो ।

कांग्रेसको केन्द्रीय निर्वाचन समितिले पदाधिकारी एवं सदस्यहरुलाई शनिबार बिहान ११ बजे प्रमाणपत्र प्रदान गर्ने कार्यक्रम रहेको निर्वाचन समितिका सचिव केशव रिजालले जानकारी दिए ।

निर्वाचन समितिले प्रमाणपत्र दिएपछि शनिबार नै कांग्रेस सभापति शेरबहादुर देउवाले पदभार ग्रहण गर्ने कार्यक्रम रहेको छ । शनिवार नवनिर्वाचित केन्द्रीय समितिको पहिलो बैठक बस्ने जनाइएको छ ।