काठमाडौं । सहिद स्मारक ‘ए’ डिभिजन लिगको दोस्रो चरणको खेलमा शनिवार मच्छिन्द्र क्लवले जित निकालेको छ ।

मनाङ मस्र्याङ्दीलाई १– ० ले पराजित गर्दै मच्छिन्द्रले जित हात पारेको हो । खेलको ९० मिनेटसम्म गोलरहित बराबरी भएकोमा मच्छिन्द्रका सुनिल बलले ९० मिनेटपछिको इन्ज्यूरी समयमा गोल गरी जित दिलाएका हुन् । सुनिलले फ्रि–किकमार्फत उत्कृष्ट गोल गरेका थिए ।

शनिवार भएको मच्छिन्द्र र मनाङको खेलमा सुनिल बल प्लेयर अफ द म्याच घोषित भए ।

आजको जितसँगै मछिन्द्र अंक तालिकाको शीर्ष स्थानमा उक्लिएको छ । मनाङसँग प्रतिष्पर्धी रहेको मच्छिन्द्रले तीन अंक जोडेसँगै मनाङसँगको दूरी फराकिलो बनाएको छ ।

मछिन्द्र ६ खेलबाट १४ अंक जोडेर शीर्ष स्थानमा रहन पुगेको छ भने मनाङ ६ खेलबाट १३ अंकसहित दोस्रो स्थानमा रहन पुगेको छ ।

यसअघि शनिवार भएको पहिलो खेलमा हिमालयन शेर्पा क्लवले च्यासल युथ क्लवलाई ३–१ गोल अन्तरले पराजित गरेको थियो ।