काठमाडौं । इंग्लिस प्रिमियर लिगको शनिवार राती भएको खेलमा टोटेनहमले वाटफोर्डलाई पराजित गरेको छ ।

वाट्फोर्डलाई १– ० गोल अन्तरले हराउँदै टोटेनहम लिगको छैठौं स्थानमा उक्लिएको छ ।

वाट्फोर्डको मैदानमा टोटेनहमलाई जिताउन डेभिनसन सान्चेजले निर्णायक गोल गरेका थिए । ९० मिनेटपछिको इन्ज्यूरी समयमा सान्चेजले टोटेनहमलाई जित दिलाउन निर्णायक गोल गरे ।

जितसँगै टोटनहम महत्वपूर्ण तीन अंक जोड्दै छैटौं स्थानमा उक्लिएको हो । योसँगै टोटेनहमको १८ खेलबाट ३३ अंक रहेको छ भने वाट्फोर्ड १४ अंक जोडेर १७ औं स्थानमा धकेलिएको छ ।

शनिवार रातीकै खेलमा म्यान्चेष्टर सिटीले आर्सनललाई २–१ ले पराजित गर्दा वेष्ट ह्यामले क्रिष्टल प्यालेसलाई ३–२ ले पराजित गरेको छ । ।

सिजनको जारी लिगमा म्यान्चेष्टर सिटी ५३ अंकका साथ तालिकाको शीर्ष स्थानमा रहेको छ भने दोस्रो स्थानमा रहेको चेल्सीको ४२ अंक र तेस्रो स्थानको ४१ अंक रहेको छ ।