काठमाडौं । प्रतिनिधिसभाको विहीबार बस्ने तय भएको बैठक स्थगित भएको छ । विहीबार दिउँसो १ बजेका लागि बैठक निर्धारण गरिएको थियो ।

संघीय संसद सचिवालयले बुधबार सूचना जारी गरी विशेष कारणबश बैठक स्थगित गरिएको जनाएको छ ।

स्थगित बैठक आगामी पुस २८ गते बुधबार दिउँसो १ बजेका लागि बोलाइएको छ ।

प्रतिनिधिसभा नियमावली २०७५ को नियम ६ को उपनियम ३ बमोजिम सभामुख अग्नि प्रसाद सापकोटाले पुस २८ गते दिउँसो १ बजे बस्ने गरी बैठक डाकेको संघीय संसदको महासचिव डा. भरतराज गौतमले सूचना प्रकाशित गरी सांसदहरुलाई जानकारी दिएका छन् ।

यसअघिको बैठक नेकपा माओवादी केन्द्रको महाधिवेशन नसकिएकाले माओवादीको आग्रहमा स्थगित गरिएको थियो ।

संसदको नवौं अधिवेशनदेखि नै प्रमुख प्रतिपक्षी दल नेकपा एमालेले आफूहरुले कारबाही गरेका १४ जना सांसद निलम्बनको माग गर्दै संसदमा विरोध गर्दै आएका छन् ।