काठमाडौं । सहिद स्मारक ‘ए’ डिभिजन लिग अन्तर्गत शुक्रबार भएको पहिलो खेलमा संकटा क्लब र सातदोबाटो युथ क्लबले बराबरी खेलेका छन् ।

त्रिपुरेश्वरस्थिथ दशरथ रंशालामा भएको खेलमा दुवै टिमले १–१ गोलको बराबरी खेल्दै अंक बाँडेका छन् ।

खेलको २३ औं मिनेटमा सातदोबाटोका लागि सुशीलले गोल गर्दै टिमलाई अग्रता दिलाएका थिए । त्यसको नौ मिनेटपछि संकटाका लागि जय गुरुङले गोल गरी बराबरी बनाए ।

दोस्रो हाफमा दुवै टिमले गोल गर्न नसकेपछि खेल बराबरीमा टुंगिएको हो ।

जारी लिगमा संकटा ८ खेलबाट १४ अंकसहित तेस्रो स्थानमा रहेको छ भने सातदोबाटो ८ खेलबाट ९ अंकसहित आठौँ स्थानमा छ ।