काठमाडौं । ग्लोबल टेक्नोलोजी लिडर शाओमीले रेड्मी नोट ११ मोबाइल नेपाली बजारमा भित्र्याएको छ ।
अझै उत्कृष्ट फिचर र स्पेक्स भएको फोन ल्याउने चुनौतीलाई माथ दिँदै शाओमीले शुक्रबारदेखि नेपाली बजारमा रेड्मी नोट ११ लन्च गरेको हो ।
शाओमी नेपालका कन्ट्री जनरल म्यानेजर सौरभ कोठारीले रेडमीमा हरेक काम उपभोक्ताहरुलाई नै ध्यानमा राखेर गरिएको बताए ।
भर्खरै लन्च गरिएको रेडमी नोट ११ ले सुपथ मूल्यमा नवीनता प्रदान गर्ने आफूहरुको मुल उद्देश्य भएको उनले बताए ।
रेड्मी नोट ११ मा उत्कृष्ट क्यामराको साथै फ्ल्याग्शिप लेभल ६ एनएमसहितको स्न्याप्ड्र्यागन ६८० को प्रोसेसर रहेको तथा ब्याट्रि पनि टिकाउ हुने बताइएको छ ।
फ्ल्याट एज बडी डिजाइनले यस फोनको डिस्प्लेलाई झनै सुन्दर बनाएको कोठारीले बताए ।