फिदिम । भूमिसम्बन्धी समस्या समाधान आयोगका अध्यक्ष देवीप्रसाद ज्ञवालीले सवै भूमिहिनहरुले अवको वर्षभित्र जग्गा प्राप्त गर्ने बताएका छन् । आयोगले यस सम्वन्धमा स्थानिय तहसाग समन्वयात्मक काम गरिरहेको भन्द्यै ज्ञवालीले भूमिहिनले जग्गा पाउने वताएका हुन् ।

‘आयोगले ७५३ स्थानीय तहसँग भूमिसम्बन्धी समस्या समाधानका कार्य गर्ने समझदारी गरिसकेको छ । स्थानीय तहका आगामी डेढ वर्षमा सबै भूमिहीनलाई जग्गा उपलब्ध गराउन तयारीसहित आयोग सक्रिय रहेको छ ।’ आयोगका अध्यक्ष ज्ञवालीले भने ।

फिदिममा स्थानीय तहसँगको अन्तक्र्रिया कार्यक्रममा बोल्दै उनले भूमिहीनभन्दा अव्यवस्थित बसोबासीको सङ्ख्या ठूलो रहेकाले जग्गा उपलब्ध गराउनेसम्मको प्रक्रियाका लागि करीब डेढ वर्षको समय आवश्यक परेको वताएका हुन् ।

भूमिहीन सुकुम्बासी र अव्यवस्थित बसोबासीको सङ्ख्या करीब १३ लाख घर परिवार हुने आयोगले अनुमान गरेकामा करीब २१ लाख घर परिवार हुने प्रारम्भिक तथ्याङ्क देखिएको उनको भनाई थियो ।