काठमाडौं । नुवाकोटको सिसडोल ल्याण्डफिल साइट प्रभावित क्षेत्रका बासिन्दाले फोहोर फाल्न नदिएपछि काठमाडौं उपत्यकाको फोहोर एक सातादेखि उठ्न सकेको छैन । फोहोर मैला प्रभावित क्षेत्र शिक्षक व्यवस्थापन संघर्ष समितिले शिक्षक दरबन्दी पूर्तिलगायत माग राखेर चैत १३ गतदेखि फोहोर व्यवस्थापनमा अवरोध गर्दै आएका छन् ।

स्थानीयको अवरोधका कारण फोहोर उठ्न नसक्दा राजधानीका चोक र गल्लीमा फोहोर थुप्रन थालेको छ । बानेश्वर, अनामनगर, न्यूरोड, भेटेवहाल, शंखमुललगायत स्थानका सडकमा फोहोर थुप्रिएका छन् । जसका कारण राजधानीका सडक दुर्गन्धित भएका छन् ।