काठमाडौँ । प्रधानमन्त्री केपी शर्मा ओलीले नवनिर्मित धरहराको उद्घाटन गरेका छन् । धरहरा रहेको स्थान सुन्धारामा आज आयोजित एक कार्यक्रमकाबीच प्रधानमन्त्री ओलीले धरहराको उदघाटन गरेका छन् ।

प्रधानमन्त्री केपी शर्मा ओलीले धरहरामा राखिएको शिलालेख अनावरण गरेका गिए । त्यपछि उनी बालकोनीमा पुगेका थिए । बालकोनीबाट ओलीले काठमाडौं उपत्यकाको दृष्यावलोकन गरेका थिए । लिफ्टबाट २० औं तलामा रहेको बालकोनीमा पुगेर प्रधानमन्त्री ओलीले पुष्प वृष्टिस गरेका थिए ।

२०७२ सालको विनासकारी भुकम्पले भत्काएको धरहराको छेउमा बनाइएको नयाँ धरहराको प्रधानमन्त्री ओलीले उद्घाटन गरेका हुन् । उद्घाटन कार्यक्रममा सीमित व्यक्तिहरुमात्र सहभागी रहका छ । २०७२ सालको भूकम्पले नौ तले धराहरा भत्किएको थियो । पुनर्निर्माण प्राधिकरणले पहिले धरहरा रहेकै स्थानमा २२ तले धरहरा पुनर्निर्माण गरेको हो । बाहिरबाट भने धरहरा ११ तलाको देखिन्छ ।

धरहराको फेदमा निर्माण हुनुपर्ने अन्य संरचनागत कामहरु भने अझै सकिएको छैन । धरहरा निर्माणको सम्पूर्ण काम नसकिएकाले सर्वसाधारणलाई अवलोकनका निर्माणको काम सकिएपछि मात्र खुला गर्ने प्राधिकरणले जनाएको छ । भूकम्प गएको ६ वर्ष पुगेपनि पुनर्निर्माणमा विवाद भएपछि २०७५ मा मात्रै धरहराको पुनर्निर्माण सुरु भएको थियो । गजुर सहितको स्तम्भ तयार गर्न ३ अर्ब ४८ करोड रुपैयाँ खर्च भइसकेको प्राधिकरणले जनाएको छ । धरहराको टावरको काम पूरा भए पनि बाहिरी संरचनाको काम सम्पन्न हुन अझै ९ महिना लाग्ने प्राधिकरणको भनाई छ ।