काठमाडौं । नेपाली कांग्रेसका सभापति शेरबहादुर देउवाले सरकारले कोरोनाविरूद्ध आवश्यक मात्रामा खोप ल्याउन कुटनीतिक पहल वढाउनु पर्ने बताएका छन् ।

प्रमुख प्रतिपक्षी दलका नेता समेत रहेका देउवाले सोमबार वक्तब्य जारी गदैं कोरोना संक्रमितकोसंख्या वढदै गएकोले अहिलेको संरचनाले मात्र थेग्न मुश्किल पर्ने भन्दै त्यसतर्फ पनि सरकारले ध्यान दिनुपर्ने वताएका हुन् ।

सरकार समयमै गम्भिर नहुनाले खोपका समुचित व्यवस्था हुन नसकेको देउवाको आरोप छ । उनले कोरोना महामारी रोकथाममा गम्भिर हुन सरकारलाई आग्रह समेत गरेको छ ।

अग्रिम बुकिङ गरेर पनि खोप पाउन नसकेका नेपालजस्ता देशहरुलाई बुकिङ गरेकै मध्येबाट खोप उपलब्ध गराउन देउवाले जोड गरेका छन् ।

आइसियू र भेन्टिलेटरको संख्या थप गर्न, कोरोना महामारीमा खटिएका स्वास्थ्यकर्मीको मनोवल उच्च बनाइराख्न पनि देउवाले सरकारको ध्यानाकर्षण गराएका छन्।