काठमाडौं । नेपाली कांग्रेसका सभापति शेरबहादुर देउवाले एमसिसी पारित गर्दा नेपालमा अमेरिकी सेना नआउने वताएका छन् । एमसीसी बारे अनेक भ्रम र हल्ला फैलाएको भन्दै सभापति देउवाले एमसीसी पारित गर्न नुहने भन्नेहरुलाई नै प्रश्न गदैं भने, –‘हरेक भ्रम फैलाइएको छ। अमेरिकी सेना आउँछ भनेर, कसले आउन दिन्छ नेपालमा अमेरिकी सेना ?

संसदमा एमसीसी २०७४ भदौंबाट अनुमोदनका लागि पुगेपनि अल्झेर वसिरहेको छ । सभापति देउवाले त्यसलाई पारित गरेर जानुपर्नेमा जोड गरिरहेका छन् ।

बाबुराम भट्टराई, सुशील कोइरालाका पालादेखि एमसिसीको प्रक्रिया अगाडि बढेको र आफ्नो नेतृत्वमा रहेको सरकारले मन्त्रिपरिषदबाट पास मात्रै गरेको उल्लेख गर्दै देउवाले एमसिसी सितैमा पाइएको ठूलो अनुदान भएको पनि बताए।

‘यो मेरो पालामा मन्त्रिपरिषदबाट पास मात्रै गरेको हो, यो ठूलो अनुदान रकम हो, ब्याज तिर्नु पर्ने पनि होइन।’ देउवाले आफ्नै निवास वुढानिलकन्ठमा आयोजना गरेको पत्रकार सम्मेलनमा भने ।