काठमाडाैं । जनता समाजवादी पार्टीका संघीय परिषद् अध्यक्ष डा. बाबुराम भट्टराईले ओलीलाई विस्थापित गर्न नसकिएकाे भए पनि उनकाे विकल्प खाेज्नै पर्ने बताएका छन् । ओली प्रधानमन्त्रीमा पुनः निुयक्त हुने भएपछि ट्वीट गर्दै उनले अदालत, संसद, मिडिया, आम जनताले तिरस्कार गरेका ओलीको विकल्प खोज्नैपर्छ भनेका छन् ।

उनले नेपाली राजनीतिमा शर्मा ओली पुन: चतुर सावित भएको टिप्पणीसमेत गरेका छन् । भट्टराईले जनतालाई कोरोना आतंकबाट राहत दिनसक्ने वैकल्पिक सरकार दिन प्रतिपक्षी दलहरू चुक्नु विडम्बनापूर्ण भएको पनि बताएका छन् । ‘सिद्धान्तहीनता, खुराफात, किनबेचमा पतन भएको नेपाली राजनीतिमा ओली पुन: चतुर सावित भएका छन्’ उनले भने ।