काठमाडौँ । बागलुङ जिल्लाको बडिगाड गाउँपालिका ४ मा एकैघरका तीन जनाको कोरोना भाइरस (कोभिड–१९) संक्रमणबाट मृत्यु भएको छ । उनीहरू तिनै जनाको एक हप्ताभित्रै मृत्यु भएको हो ।

बडिगाड–४ को जलजलामा दुई हप्ताअघि विवाह भोज खाएकाहरू नै संक्रमित भएका थिए । मृत्यु हुनेहरू विवाह भोजमा गएका नै रहेको स्थानीयवासीले बताएका छन् ।

स्वास्थ्य कार्यालय बागलुङका अनुसार मृत्यु हुनेमा ८७ वर्षीय बाबु, ५१ वर्षीय र ४० वर्षीय दुई छोरा रहेका छन् । गाउँपालिकाको स्वास्थ्य शाखाले कम्तीमा १५ दिन घरमै बसिदिन आग्रह गरेको छ । प्रशासनले भने जेठ १५ सम्मका लागि बागलुङ जिल्लाभर निषेधाज्ञा लगाएको छ ।