काठमाडौँ । नेकपा (एमाले) का वरिष्ठ नेता माधवकुमार नेपालले अध्यक्ष केपी शर्मा ओली २०७५ जेठ २ को संरचना अनुसार पार्टी सञ्चालन गर्न सहमत भएको बताएका छन् ।

संघीय संसद् भवनमा पत्रकारसँग कुरा गर्दै उनले आफूहरूको बटमलाइन अनुसार प्रधानमन्त्री ओली अगाडि बढ्न चाहेको बताए । ‘फागुन २८ को निर्णय फिर्ता लिने र जेठ २ गतेको अवस्थामा पुग्ने हाम्रो बटमलाइन थियो’ ,उनले भने, ‘त्यसमा पार्टी अध्यक्ष ओलीले सहमति हुन्छ भन्नु भएको छ, बाँकी छलफल गर्न कार्यदल बनाउने भन्ने छ ।’

पार्टीभित्र देखिएका विवाद हल गर्न थप छलफल आवश्यकता पर्न सक्ने पनि नेपालले बताए ।