कठमाडौं । नेपाली कांग्रेका वरिष्ठ नेता रामचन्द्र पौडेल समूहले निर्धारित समयमै महाधिवेशन गर्न सभापति शेरबहादुर देउवालाई दबाव दिने भएको छ ।

पौडेल पक्षको बुधबार भएको भर्चुअल मिटिङमा पार्टीको महाधिवेशन नजिकै जाँदा क्रियाशील सदस्यता छानबिनलगायत सांगठानिक गतिविधि सुस्ताएपछि सभापतिलाई दबाब दिने निर्णय गरेकाे हाे ।

क्रियाशील सदस्य छानबिन र ताेकिएकाे समयमै महाधिवेशन गर्नुपर्ने विषयमा नेताहरूबीच छलफल भएको पौडेलका स्वकीय सचिव चिरञ्जिवी अधिकारीले जानकारी दिए ।

भदौको दोस्रो साता हुने १४ औँ महाधिवेशन काठमाडौंमा हुने तय भएको छ । १४ औँ माधिवेशन विधानले दिएको व्यवस्था सकिएको छ । भने संविधान दिएको व्यवस्थाअनुसार भदौ मसान्तसम्म महाधिवेशन नगरे पार्टीको वैधानिकता सकिन्छ । बैठकमा २५ जना भन्दाबढी केन्द्रीय सदस्यहरुको सहभागिता थियाे ।