काठमाडौँ । नेपाली बजारमा सुनको मूल्य पुनः निरन्तर बढ्दै गएको छ । मूल्य बढ्ने क्रममा बिहीबार सुनको मूल्य ९५ हजार नजिक पुगेको हो ।

नेपाल सुनचाँदी व्यवसायी महासंघका अनुसार बिहीबार सुन प्रतितोला ४ सय रुपैयाँले वृद्धि हुँदै ९४ हजार ९ सय रुपैयाँ पुगेको छ । संघका अनुसार आज तेजाबी सुनको मूल्य ९४ हजार ४ सय रुपैयाँ कायम भएको छ ।

यस्तै, चाँदीको मूल्यमा थप १५ रुपैयाँले वृद्धि हुँदै बिहीबार एक हजार ३७५ रुपैयाँ कायम भएको महासंघले जनाएको छ ।