काठमाडौँ । नायिका प्रकृती श्रेष्ठले आफूले चलचित्र क्षेत्रमा यौन उत्पीडन भोगेको बताएकी छिन् । सामाजिक संजाल इन्स्टाग्राममा आफ्नो फ्यानको प्रश्नमा उनले चलचित्र क्षेत्रमा प्रवेश गर्दाको सुरुवाती दिनमा यस्तो समस्या भोगेको बताइन् ।

उनले यस्ता गलत कुराको बिषयमा बोल्न आफू नडराएको बताएकी छिन् । अर्का एक फ्यानले सोधेको अर्को प्रश्नको जवाफमा प्रकृतीले सही समय आए आमा भन्नको लागि सोच्ने बताएकी छिन् ।

उनले पहिलो बच्चा छोरी र दोश्रो बच्चा छोराको चाहना भएको पनि बताइन् । नायिका श्रेष्ठ चलचित्र ‘बिहे पास’को छायांकन सकेर अष्ट्रेलिया फर्किसकेकी छिन् ।