काठमाडौँ । धनगढीस्थित सेती प्रादेशिक अस्पतालमा कालो ढुसी रोगको संक्रमणबाट एक जनाको निधन भएको छ । कैलालीको बर्दगोरिया नगरपालिका ६ का ६५ वर्षीय पुरुषको आज बिहान ७ बजे मृत्यु भएको हो ।

अस्पतालका सूचना अधिकारी दिलीप श्रेष्ठका अनुसार ती व्यक्ति जेठ १७ देखि अस्पतालको आइसियूमा भर्ना भई उपचार गराइरहेका थिए ।

‘ब्ल्याक फंगसको लक्षण देखिएका आधारमा उनको उपचार भइरहेको थियो,’ उनले भने, ‘अस्पतालका डा. शेरबहादुर कमर, डा. अशोक श्रीपाइली, निशान भट्टराई र इएनटी चिकित्सकको टिम उनको उपचारमा संलग्न थियो ।’

यसअघि ती व्यक्तिमा कोरोना भएको कुनै संकेत देखिएको थिएन ।