काठमाडौं । सिरहाको मिर्चैयामा शनिवार बेलुका व्यवसायीलाई गोली प्रहार भएको छ। मिर्चैया नगरपालिका ५ घर भई मूख्य चोकमा सिद्धि मेडिकल हलका सञ्चालन गरेका ३९ वर्षीय रामसागर साफीमाथि गोली प्रहार भएको हो ।

पसलमै ३–४ जनाको समूहमा आएका व्यक्तिहरुले गोली प्रहार गरेको जिल्ला प्रहरी कार्यालयका प्रवक्ता प्रहरी उपरीक्षक डिएसपी शालिग्राम शर्माले जानकारी दिए । डिएसपी शर्माका अनुसार पसलमा हिसाव मिलान गरिरहेको बेलामा बत्ति गएको मौका छोपी अज्ञात समूहले गोली प्रहार गरेको हो ।

उनले मेरो न्युजलाई भने ‘साफीको दाँया खुट्टा र हातमा गोली लागेको हो, उनको मिर्चैयाकै मङ्गलम हेल्थकेयरमा उपचार भइरहेको छ।’ प्रहरीले घटनामा संलग्न रहेको अशंकामा तीनजनालाई पक्राउ गरी घटनाको अनुसन्धान गरिरहेको जिल्ला प्रहरी कार्यालय सिरहाले जनाएको छ।