काठमाडौं । सरकारले साल्ट ट्रेडिङ कर्पोरेसनको डिपोबाट सुपथ मूल्यमा खाद्यान्न र एलपी ग्यास उपलब्ध गराउने भनेपछि साल्ट ट्रेडिङको डिपोबाहिर सर्वसाधारणको भिड लाग्ने गरेको छ ।

कालीमाटीस्थित साल्ट ट्रेडिङको डिपोमा चिनी, नुनलगायतका दैनिक उपभोग्य खाद्यवस्तु किन्न सर्वसाधाराण निषेधाज्ञाकै बीचमा लामो लाइनमा बसे । कोही भने ग्यास लिन रित्तो सिलिन्डर लिएर पुगेका थिए ।

सर्वसाधारणको अत्यधिक भिडभाडका कारण कोरोना संक्रमणको जोखिम बढेको भन्दै कर्पोरेसनले आजदेखि बिहान ७ देखि ९ बजेसम्म मात्रै सहुलियतको खाद्यान्न बिक्री गर्ने निर्णय गरेको छ ।