काठमाडौँ । कैलाली क्षेत्र नं ५ बाट नेपाली कांग्रेस सभापति शेरबहादुर देउवा पत्नी आरजु राणालाई पराजित गर्ने नारदमुनी राना मन्त्री बन्न लागेका छन् । रानाले राणालाई ४ हजार ८ सय ८० मतान्तरले पराजित गरेका थिए ।

वाम गठबन्धनका तर्फबाट रानाले २७ हजार २ सय २ मत प्राप्त गरेका थिए भने कांग्रेस उम्मेदवार राणाले २२ हजार ३ सय २२ मत प्राप्त गरेकी थिइन् । प्रधानमन्त्रीले आज विस्तार गर्न लागेको मन्त्रिपरिषद्मा उनलाई वन तथा वातावरणमन्त्रीको जिम्मेवारी दिन लागिएको हो ।

रानाको उद्योगमन्त्रीमा चर्चा रहेको थियो तर उद्योगमन्त्री जसपाका राजकिशोर यादवले पाएपछि राना वनमन्त्री बन्न लागेका हुन् । यसअघि वनमन्त्रीमा सुदूरपश्चिमकै प्रेम आले रहेका थिए ।

उनी पनि विवादमुक्त भने छैनन । रानालाई रातो पासपोर्ट बेचेको आरोप पनि छ ।