काठमाडौँ । उपत्यकाका तीन जिल्लाका प्रमुख जिल्ला अधिकारीहरुको साँझ पाँच बजे बैठक बस्दैछ ।

काठमाडौँका प्रमुख जिल्ला अधिकारी काली प्रसाद पराजुली, भक्तपुरका प्रमुख जिल्ला अधिकारी प्रेम प्रसाद भट्टराई र ललितपुरका प्रमुख जिल्ला अधिकारी ढुण्डी प्रसाद निरौलाको बैठक बस्दैछ । बैठकले यही ८ गतेदेखि निषेधाज्ञालाई खुकुलो बनाउने निर्णय गर्ने जनाइएको छ ।

ललितपुरका प्रमुख जिल्ला अधिकारी ढुण्डी प्रसाद निरौलाले मंगलबारदेखि निषेधाज्ञालाई खुकुलो बनाउने बताए । यस्तै, भक्तपुरका प्रमुख जिल्ला अधिकारी प्रेम प्रसाद भट्टराईले मंगलबारदेखि निषेधाज्ञालाई व्यवस्थित, मर्यादित र वैज्ञानिक बनाएर लैजाने बताए ।

कोभिड–१९ सङ्कट व्यवस्थापन समिति (सीसीएमसी) को बैठकले आर्थिक क्षेत्र चलायमान बनाएर कोरोना संक्रमण घटाउने रणनीति बनाएको छ । यसअघि सरकारले ८ गतेदेखि स्मार्ट निषेधाज्ञा गर्ने बताएको थियो ।