काठमाडौं । ईपीएसमार्फत कोरिया जान सन् २०१९ मा भाषा परीक्षा उत्तीर्ण भएकालाई फेरी मेडिकल परीक्षण गराउन वैदेशिक रोजगार विभागले सूचित गरेको छ ।
२०१९ यता विभिन्न मितिमा मेडिकल गरेका तर लेबर कन्ट्रयाक नआई रोस्टर गुज्रिएकाले पहिले परीक्षण गराएकै अस्पतालबाट पुनः मेडिकल परीक्षण गराउनुपर्ने जनाइएको छ ।
काठमाडौंको शुक्रराज ट्रपिकल तथा सरुवा रोग अस्पताल टेकु, पाटन अस्पताल ललितपुर र नेपाल–कोरियामैत्री अस्पताल थिमिबाट उनीहरुले जनही २ हजार २ सय रुपैयाँ तिरी मेडिकल परीक्षण गराउन सक्नेछन् ।