काठमाडौँ । प्रतिनिधिसभा विघटनविरुद्ध दायर भएको रिट निवेदनमाथिको बहस सकिएको छ । संंवैधानिक इजलासमा शुक्रबारको बहस सकिएसँगै निवेदकतर्फका कानुन व्यवसायीका लागि छुट्याएको समय २ घण्टा ३५ मिनेट बाँकी रहेको छ ।

प्रधानन्यायाधीश चोलेन्द्र शमशेर जबराले इजलासमा कानुन व्यवसायीलाई बाँकी समयको जानकारी गराएका थिए । यससँगै उनले इजलास स्थगित गरेका हुन् ।

आज निवेदकका पक्षबाट वरिष्ठ अधिवक्ता श्रीहरी अर्याल, अधिवक्ता डा. दिनमणि पोखरेल, सुनिल पोखरेल, टीकाराम भट्टराई, वरिष्ठ अधिवक्ता मुक्ति प्रधान र गोपाकृष्ण घिमिरेले बहस गरेका छन् ।

रिट निवेदकतर्फका कानुन व्यवसायीको बहस आइतबार सकिने छ । यस्तै, विपक्षी पक्ष सरकारका तर्फबाट बहस सुरु हुने छ ।