रौतहट । आकाशबाट परेको पानीको विषयालाई लिएर दुई परिवारबीच झडप हुँदा एक दर्जनभन्दा बढी घाइते भएका छन् । जिल्लाको मौलापुर नगरपालिका १ मर्यादपुरमा शनिबार बिहान दुई परिवारबीच झडप भएको हो ।

स्थानीय भुवन साह सोनार र सोही ठाउँका हृदयनारायण यादवको परिवारबीच हानाहान भएको जिल्ला प्रहरी कार्यालय रौतहटले जनाएको छ । घटनाका बारेमा थप अनुसन्धान भइरहेको प्रहरीले जनाएको छ ।

प्रहरीका अनुसार सोनार परिवारमाथि यादव परिवारले आक्रमण गरेको हो । आज बिहान खाना खाइरहेको अवस्थामा सोनार परिवारमाथि एक्कासी आक्रामण भएको थियो ।

सोनारले वर्षाको पानी आफ्नो घरबाट यादवको खेततर्फ पठाएको भन्दै विवाद सुरु भएको थियो । प्रहरीका अनुसार घटनामा परी केही व्यक्तिको अवस्था गम्भीर रहेको छ ।