काठमाडौँ । ओखलढुंगामा भूकम्प पीडितलाई पैसा निकासा गरिदिएवापत घुस लिने पुनर्निर्माण प्राधिकरणका सव इञ्जिनियर पक्राउ परेका छन् । राष्ट्रिय पुनर्निर्माण प्राधिकरण जिल्ला आयोजना कार्यान्वयन इकाई सिनपा १ तलुवामा खटिएका सव इञ्जिनियर राजन पासवान रंगेहात पक्राउ परेका हुन् ।

पासवानले भूकम्प पीडितलाई तेस्रो किस्ता रकम निकासा गरिदिने भन्दै सेवाग्राहीसँग अग्रिम ३० हजार रुपैयाँ रकम लिएका थिए । उनले घुस लिँदै गरेको सूचनाका आधारमा रंगेहात पक्राउ गरिएको जिल्ला प्रहरी कार्यालय ओखलढुंगाले जनाएको हो ।

भूकम्प पीडितलाई आवास निर्माणवापत पाउने तेस्रो किस्ता रकम आफूले सहजीकरण गरे मात्रै आउने भन्दै उनले घुस लिएका थिए । उनीमाथि थप अनुसन्धान गर्न अख्तियार दुरुपयोग अनुसन्धान आयोग टंगाल पठाइएको जिल्ला प्रहरी कार्यालय ओखलढुंगाले जनाएको छ ।