काठमाडौँ । कोरोना भाइरस (कोभिड–१९) विरुद्धको भेरोसेल खोपको दोस्रो डोज खोप आजदेखि सुरु भएको छ । काठमाडौँका ११ वटा स्थानीय तहमा सञ्चालन हुने स्वास्थ्य कार्यालय काठमाडौंका प्रमुख प्रशासक बद्रीबहादुर खड्काले जानकारी दिए ।

६० देखि ६४ वर्ष उमेर समूहका नागरिकलाई दोस्रो डोज खोप दिन लागिएको हो । खोप लगाउन सुरु भएसँगै खोप केन्द्रहरूमा सर्वसाधणको बाक्लो उपस्थिती रहेको छ । सरकारले कोरोनाका कारण जारी गरेको निषेधाज्ञा खुकुलो बनाउँदै २५ जनाभन्दा बढी जम्मा हुन नपाउने भने पछि खोप लागउन ठूलो भीड जम्मा भएको छ ।

खोप केन्द्रहरूमा वीर अस्पताल, त्रिवि शिक्षण अस्पताल, निजामती कर्मचारी अस्पताल, शुक्रराज ट्रपिकल तथा सरुवा रोग अस्पताल, परोपकार प्रसूति तथा स्त्रीरोग अस्पताल, नेपाल प्रहरी अस्पताल, वीरेन्द्र सैनिक अस्पताल, ओम अस्पताल एवं रिसर्ज सेन्टर, क्षेत्रपाटी निःशुल्क चिकित्सालय र जनमैत्री अस्पताललगायत रहेका छन् ।