काठमाडाैं । नेकपा (एमाले)काे विवाद समाधान कार्यदलकाे बैठक सकिएकाे छ । आजकाे बैठकमा विषयगत छलफलले प्रवेश पाएकाे माधव नेपाल पक्षबाट कार्यदलका संयाेजक भीम रावलले जानकारी दिए ।

एमाले पुनर्गठित भएकाे अवस्थामा सांगठनिक विषयमा छलफल भएकाे उनले बताए । पार्टीभित्र भइरहेकाे विवादका विषयमा बैठकमा छलफल भएकाे उनकाे भनाइ छ ।

आजकाे बैठकमा पार्टीभित्रकाे विवादका विषयमा सबै सदस्यले धारणा राखेका थिए । विवाद समस्या समाधानका विषयमा भाेलि बैठक बस्ने बैठकमा छलफल हुने उनले बताए ।

कार्यदलका अर्का सदस्य एमालेका सचिव गोकर्णराज विष्टले छलफल सकारात्मकरुपमा अघि बढेको जानकारी दिए । पार्टीका शीर्ष र दोस्रो तहका नेताबीच भएको अनौपचारिक छलफललाई व्यवस्थितरुपमा सहमतिमा परिणत गर्न कार्यदलको बैठक शुरु भएको हो ।

पार्टी अध्यक्ष केपी शर्मा ओली महाधिवेशन आयोजक कमिटी विघटन गराई २०७५ जेठ ३ गते अगाडिको साङ्गठनिक स्थितिका आधारमा सञ्चालन गर्न तयार भएपछि सहमतिको वातावरण बनेको हो ।

एमाले केन्द्रीय कमिटीको १३ औँ बैठकले नेपाली कांग्रेसका सभापति शेरबहादुर देउवालाई प्रधानमन्त्री बनाउने प्रस्ताव र सर्वाेच्च अदालतमा रिट दायर गर्दा पार्टीका २३ निवर्तमान सांसदबाट गरिएको हस्ताक्षर फिर्ता गर्न आज साँझ ५ बजेसम्म समय दिइएका सन्दर्भमा कार्यदल सक्रिय भएको हो ।

नयाँ प्रधानमन्त्री चयन प्रक्रिया सफल हुन नसकी गत जेठ ८ गते प्रतिनिधिसभा दोस्रो पटक विघटन भएपछि एमालेको कार्यदल निष्क्रिय भएको थियो ।

कार्यदलमा प्रधानमन्त्री एवं एमाले अध्यक्ष ओली पक्षबाट नेता सुवास नेम्वाङ, विष्णुप्रसाद पौडेल, प्रदीपकुमार ज्ञवाली, शङ्कर पोखरेल र विष्णुप्रसाद रिमाल तथा नेता माधवकुमार नेपाल पक्षबाट डा भीमबहादुर रावल, घनश्याम भुसाल, सुरेन्द्रप्रसाद पाण्डे, विष्ट र रघुजी पन्त छन् ।