काठमाडौँ । काठमाडौँको थापागाउँस्थित सनराइज सिटी अपार्टमेन्टमा मृत फेला परेकी नायिका जेनी कुँवरको ‘सुसाइड नोट’ प्रहरीले फेला परेको छ ।

श्रीमानसँग बस्दै आएकी नायिका कुँवर बिहीबार राति मृत भेटिएकी थिइन् । उनको शव नजिकै सुसाइड नोटसमेत फेला पारेको हो । उनले सुसाइट नोटमा आफ्नो मृत्युको दोषी कोही नभएको उल्लेख गरिएकी छन् ।

‘मेरो दिमागी हालत ठिक नभएर सुसाइड गरेकी हुँ, मलाई मेरो श्रीमान र छोरीहरूले धेरै माया गर्नु हुन्छ, यसमा कसैको दोष छैन, बिरामी ठिक होला भनेको झनझन् गाह्रो हुँदै गयो, झनझन् गाल्दै गयो, त्यही भएर आत्महत्या गरेकी हुँ,’ सुसाइड नोटलाई उदृत गर्दै एक प्रहरीले नोट कोठामै भेटिएको बताए ।

प्रहरीले उक्त सुसाइड नोट परीक्षण गर्न ल्याबमा पठाउने तयारी गरेको बताएको छ । सुसाइड नोटको परीक्षण गर्न प्रहरीले सामाखुसीस्थित विधि विज्ञान प्रयोगशालामा पठाउने तयारी गरेको हो ।

कुँवरको शव भने पोष्टमार्टमका लागि महाराजगञ्जस्थित त्रिवि शिक्षण अस्पतालमा पठाएको छ ।