काठमाडौं । प्रधानमन्त्री केपी शर्मा ओलीले नेपाललाई शिक्षा र स्वास्थ्यको हव बनाउँनुपर्ने बताएका छन् । उनले वीर अस्पतालको नवनिर्मित भवनको उद्घाटन गर्दै यस्तो बताएका हुन् ।
डाक्टरले बिरामीहरुलाई गर्ने व्यवहारमा पनि परिर्वतन गर्नुपर्ने बताए । उनले आफ्नो अनुभव सुनाउँदै भने म आफै लामो समयसम्म बिरामी भएकाले धेरै डाक्टरसँग सम्पर्क भएको हुदाँ कतिपय डाक्टरले भनेका कुराले आफुलाई पनि बिझाएको छ । मैले त त्यसलाई बिझाए नि सामान्य रुपमा लिए तर सबै बिरामीले त्यस्तो लिदैन, त्यस्ता कुरामा डाक्टरहरु पनि सचेत हुनुपर्ने उनले बताए ।

आवश्कता बिना उपकरण खरिद नगर्न उनले आग्रह गरे । उनले भने, “सडकमा फार्किएका सामान त रिसाईकल गरेर चलाउँछौ भने काम नभएका सामान औषधि उपकरण खरिद गरेर थन्काउँने काम गदै नगरौँ ।”
नेपाल स्वास्थ्य क्षेत्र धेरै अगाडी बढेको उनले बताए ।

यसैगरी,“हाम्रा पुर्वजले नचाखेको कुनै हाँगा छैन होला,” उनले भने, “त्यसको आधारमा औषधिविज्ञानमा काम भएको पाइन्छ । साढे दुईहजार वर्षअघि शल्यक्रिया नेपालमै विकास भएको थियो । तर बीचमा गलत मनसाय बढ्यो । औषधि विज्ञान पछि कुखुराको भाले मन्साउने अवस्थामा पुग्यो । गलत मनोविज्ञान देखियो । मन्साएर भुत भाग्छ, मसान भाग्छ भन्ने अवस्थामा नपुगेको भए यो अवस्था आउने थिएन ।”तर अहिले नेपालको स्वास्थ्य प्रणाली धेरै अघि पुगेको बताए ।