काठमाडौँ । सत्तारुढ दल नेकपा एमालेका भातृ संगठनहरूले सर्वोच्च अदालतको फैसला असंवैधानिक भएको भन्दै विरोध प्रदर्शन गरेका छन् । प्रतिनिधिसभा विघटन पुनर्स्थापना गर्न सर्वोच्च अदालतले फैसला गरेसँगै उनीहरू विरोधमा उत्रिएका हुन् ।

सर्वोच्चको फैसलालगत्तै सत्तारुढ दल नेकपा एमाले निकट युवा संघ सडक प्रदर्शनमा उत्रिएको छ । प्रदर्शनका क्रममा युवा संघका कार्यकर्ताले प्रधानन्यायाधीश चोलेन्द्र शमशेर जबराको पुत्ला दहन गर्ने प्रयास गरेका थिए ।

पुत्ला दहनका क्रममा युवा संघका कार्यकर्ता र प्रहरीबीच झडप भएको थियो । प्रदर्शनकारीले ‘चोलेन्द्र शमशेर मुर्दावाद’ भन्दै नारा लगाएका छन् ।