काठमाडौँ । चर्चित बनेको ३३ किलो सुन काण्डका फरार एक अभियुक्त पक्राउ परेका छन् । झापाको गौरादह नगरपालिका ५ बस्ने भोजे मामा भन्ने भोजराज भण्डारीलाई प्रहरीले आज पक्राउ गरेको हो ।

महानगरीय प्रहर परिसर काठमाडौँका अनुसार परिसरबाट खटिएको टोलीले भण्डारीलाई गौशालाबाट पक्राउ गर्न सफल भएको हो । उनी आपराधिक समूह स्थापना र सञ्चालन गरी सुन चोरी पैठारी र चोरी निकासी गर्दै आएका थिए ।

यस्तै, उनी अवैध कारोबार, अपहरण तथा शरीर बन्धक र कर्तव्य ज्यान मुद्दामा फरार रहेका थिए ।