काठमाडौँ । म्याद सकिएका सामान ‘रि लेबलिङ’ गर्ने विभिन्न कम्पनीमा महानगरीय अपराध महाशाखाले छापा मारेको छ । म्याद सकिएका विभिन्न सामन रि लेबलिङ गर्दै ठूला–ठूला स्टोरमा समेतमा पठाउने गरेको विषेश सूचनाका आधारमा महानगरीय अपराध महाशाखाले छापा मारेको हो ।

महाशाखाको टोलीले आइतबार काठमाडौँ महानगरपालिका १५ सानो भ¥याङस्थित समिट कर्मसियल कम्पनीसहित विभिन्न कम्पनीमा छापा मारेको हो । उक्त रि लेबलिङ कार्यमा संलग्नको आरोपमा महाशाखाको टोलीले अविनाश अग्रवाललाई समेत नियन्त्रणमा लिएको छ । अग्रवालले घर नै भाडामा लिएर म्याद सकिएका सामग्री रि लेबलिङ गर्ने गरेको पाइएको छ ।

अग्रवालको कम्पनीबाट कस्मेटिक सामान, कोलिन, बडी स्प्रे, रुम स्प्रेलगायत अन्य सामग्री ठूलो परिमाणमा बरामद भएको महाशाखाका प्रहरी वरिष्ठ उपरीक्षक (एसएसपी) चन्द्र कुँवेर खापुङले मेरोन्युजलाई जानकारी दिए ।

प्रहरीले विभिन्न म्याद सकिएका र म्याद सकिन लागेका विभिन्न सामानहरू बरामद गरेको छ ।