काठमाडौं । नेकपा एमाले स्थायी कमिटी बैठक सोमबार पुनः बस्ने भएको छ । आइतबार तुल्सीलाल स्मृति प्रतिष्ठानको कार्यालय च्यासलमा बसेको बैठकले सोमबार अपरान्ह ३ बजे पुनः बैठक बस्ने निर्णय गरेको छ ।

बैठकमा विधान महाधिवेशन, केन्द्रीय विभागहरूको गठन र सदस्यता नवीकरण समबन्धमा छलफल भइरहेको छ । तर, आजको बैठकमा यो विषयमा कुनै छलफल नभएको बताइएको छ । बैठकमा उपाध्यक्ष वामदेव गौतम पनि सहभागी भएका छन् ।

यस्तै नेकपा माओवादी केन्द्रको सदस्य दाबी गर्दै सर्वोच्च अदालत गएको पूर्व माओवादी नेताहरु पनि सहभागी भएका छन् । बैठकमा वरिष्ठ नेता माधव कुमार नेपाल पक्षका नेताहरू सहभागी भएका छैनन् । शनिबार बस्ने भनिएको बैठक नेपाल पक्षको आग्रहमा स्थगित गरिएको थियो ।