नुवाकोट । नुवाकोटको सदरमुकाममा रहेको विदुर नगरपालिकामा तोडफोड गरिएको छ । सोमबार नगरपालिकाका मेयरसँग असुन्तुष्ट पक्षले तोडफोड गरिएको जनाइएको छ ।

मेयर सन्जु पण्डीतले पञ्च वर्षीय योजना निर्माणका क्रममा आफूलाई अनुकुल हुने गरी योजना पारेपछि असुन्तुष्ट पक्षले नगरपालिकामा तोडफोड गरेका हुन् । योजना बनाउदा कांग्रेसले जितेको वडाका वडा अध्यक्षसँग छलफल नगरी मेयरले योजना बनाएकाले विवाद सुरु भएको बताइएको छ ।

यस्तै नगरपालिकाका वडा अध्यक्ष बद्री रिमाललाई हातपात गरपछि विवाद झन चर्किदै गएको थियो । दुई पक्षीय झडपमा करिब ४ जना प्रहरी घाइते भएको बताइएको छ । यस्तै, नेपाली कांग्रेसले नगरपालिकामा ज्ञापन पत्र बुझाउने क्रममा भएको झडपमा कांग्रेस नुवाकोटकी नेतृ गिता अमात्य घाइते भएको बताइएको छ ।

नगरपालिकामा प्रदर्शनकारीले ताला लगाएपछि झडप सुरु भएको थियो । प्रदर्शनकारीले नगरपालिकाको झ्याल, सिसा र भित्रका कुर्सी लगाएतका सामान तोडफोड गरेका छन् ।