काठमाडौँ । जनता समाजवादी पार्टी (जसपा)को आधिकारिकता विवादमा सर्वोच्च अदालतले कारण देखाउ आदेश जारी गरेको छ । सर्वोच्चमा महन्थ ठाकुरले दायर गरेको रिटमाथि सुनुवार्इ गर्दै न्यायाधीश प्रकाशमान सिंह राउतको एकल इजलासले कारण देखाउ आदेश दिएको हो ।

रिटमा अन्तरिम आदेश माग गरिए पनि सर्वोच्चले अस्वीकार गर्दै कारण देखाउ आदेश जारी गरेको हो ।

निर्वाचन आयोगले ११ साउनमा जसपाको आधिकारिकता उपेन्द्र यादव पक्षलाई दिइसकेको छ । त्यसपछि ठाकुरले साउन १५ मा आयोगको निर्णयविरुद्ध सर्वोच्च अदालतमा रिट दायर गरेका थिए ।