काठमाडौं । सञ्चारकर्मी तथा लेखक कृष्ण आचार्यले आफ्नो दोस्रो कृति ‘ब्लु डायरी’ बजारमा ल्याउने भएका छन् । आफ्नो पहिलो उपन्यास ‘अप्रिल फुल’बाट चर्को पाठक कमाएका सञ्चारकर्मी आचार्यले दोस्रो कृति ‘ब्लु डायरी’ उपन्यास ल्याउन खोजेका हुन् ।

इन्जिनियर्स पोस्टमा सम्पादकका रुपमा कार्यरत आचार्यको उपन्यास ‘ब्लु डायरी’ बिएन पुस्तक संसारले भदौ अन्तिम सातासम्ममा बजारमा ल्याउने तयारी गरेको छ । पहिलो उपन्यासबाटै पाठकमाझ निकै ख्याती कमाएका आचार्यको यस पुस्तक प्रेम र सामाजिक परिवेशमा केन्द्रित रहेको छ ।

आचार्यको पहिलो उपन्यास ‘अप्रिल फुल’ २०७५ सालको सर्वाधिक चर्चित कृतिमध्येमा पर्छ ।