काठमाडौं । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक कारोबार हुने साताको चौथो दिन बुधबार शुन्य दशमलब ९४ अंकले उकालो लागको छ ।

यो अघिल्लो दिनको तुलनामा शुन्य दशमलब ३ प्रतिशतले वृद्धि भई ३ हजार १ सय ६२ दशमलब ५९ बिन्दुमा पुगको हो । यसबाट नेप्से ३ हजार २ सय अंकमा नपुगि फर्किएको देखिन्छ । केही दिन सुस्त अवस्थामा रहेको नेप्से सूचक मंगलबार एकाएक चमक आएको थियो ।

मंगलबार खासगरी, वित्त कम्पनी र विकास बैंकहरुमा उछाल देखियो र त्यसको प्रभाव समग्र बजारमा पर्यो । यद्यपी बुधबार त्यही उत्साह कायम गर्न सकेन । यसबाट आगामी कारोबारदेखि नेप्से ओरालो लाग्ने संकेत देखिएको छ ।

कारोबार भएका कूल २ सय ३० कम्पनीका १ लाख ३९ हजार २ सय १८ कारोबारबाट १५ अर्ब ४५ करोड ५९ लाख ४१ हजार ७ सय ५४ रुपैयाँ बराबरका २ करोड ७२ लाख ९८ हजार ६ सय २४ कित्ता शेयर किनबेच भएको स्टक एक्सचेञ्जले जनाएको छ ।