काठमाडौँ । नेपाली कांग्रेस केन्द्रीय समितिको बैठक सुरु भएको छ । प्रधानमन्त्री एवम् सभापति शेरबहादुर देउवा निवासमा बैठक केही समयअघिबाट बैठक सुरु भएको केन्द्रीय सदस्य कल्याण गुरुङले बताए ।

बिहीबारको बसेको केन्द्रीय समितिको बैठकमा सभापति देउवा निवासमा बसेको केन्द्रीय समितिको बैठकमा महामन्त्री पूर्ण बहादुर खड्काले निर्वाचन निर्देशिकासम्बन्धी प्रस्ताव, उपसभापति तथा समायोजन समितिका संयोजक विमलेन्द्र निधिले समायोजन सम्बन्धी प्रतिवेदन र क्रियाशील सदस्यता छानबिन समितिका संयोजक रमेश लेखकले क्रियाशील छानबिन समितिको प्रतिवेदन पेश गरेका थिए ।

बिहीबारको बैठकमा लेखकको प्रतिवेदनमाथि देउवा पक्षकै आनन्द ढुंगाना र पौडेल पक्षका कल्याण गुरुङले फरक मत राखेका थिए । केन्द्रीय कार्य समितिको बैठक टुंगिदा हामीले १४ औँ महाधिवेशनको कार्य तालिका सार्वजनिक गरिने पार्टी प्रवक्ता विश्व प्रकाश शर्माले जानकारी दिए ।

केन्द्रीय सदस्यले बोल्न चाहेसम्म बैठक चल्ने उनले जानकारी दिए । साउन १२ मा हुने वडा अधिवेशन नभएपछि नयाँ तालिका सार्वजनिक गर्नु पर्ने अवस्थामा कांग्रेस छ ।